ເງິນຝາກປະຈໍາ

  ມີ2ແບບຄື: ຝາກປະຈຳແບບທຳມະດາ ແລະ ຝາກປະຈຳແບບພິເສດ:

  ຝາກປະຈຳແບບທຳມະດາ

  ຄຸນລັກສະນະ:

   ເປັນການທ້ອນເງິນທີ່ໄດ້ຮັບຜົນຕອບແທນຈາກອັດຕາດອກເບ້ຍສູງ, ໂດຍມີໄລຍະເວລາກຳນົດທີ່ທ່ານສາມາດເລືອກໄດ້ຕາມຄວາມເໝາະສົມຂອງທ່ານເຊັ່ນ: 3 ເດືອນ, 6 ເດືອນ, 12 ເດືອນ , 24 ເດືອນ ແລະ 36 ເດືອນ. ເຖິງກຳນົດຈື່ງສາມາດຖອນຈຳນວນເງິນຝາກ ແລະ ດອກເບ້ຍໄດ້.

  ຝາກປະຈຳແບບພິເສດ:

  ຄຸນລັກສະນະ:

  ເປັນການທ້ອນເງິນທີ່ໄດ້ຮັບຜົນຕອບແທນຈາກອັດຕາດອກເບ້ຍສູງ, ໂດຍມີໄລຍະເວລາກຳນົດທີ່ທ່ານສາມາດເລືອກໄດ້ຕາມຄວາມເໝາະສົມຂອງທ່ານເຊັ່ນ: 3 ເດືອນ, 6 ເດືອນ, 12 ເດືອນ , 24 ເດືອນ ແລະ 36 ເດືອນ. ເມື່ອເຖິງກຳນົດຖ້າທ່ານຍັງບໍ່ທັນມາຖອນອອກແມ່ນລະບົບຂອງເຮົາຈະຝາກຕໍ່ໃຫ້ທ່ານ ຕາມທີ່ທ່ານເລືອກໄວ້ເບື້ອງຕົ້ນແບບອັດຕະໂນມັດ ແລະ ໄລ່ດອກເບ້ຍຕໍ່ເລີຍ ແລະ ທ່ານຍັງສາມາດຝາກຫລາຍສະກຸນເງິນໄວ້ໃນປື້ມບັນຊີຫົວດຽວກັນໄດ້.

  ຜົນປະໂຫຍດທີ່ໄດ້ຮັບ:

  - ທ່ານໄດ້ຮັບຜົນຕອບແທນຈາກດອກເບ້ຍສູງ.
  - ສາມາດໃຊ້ເງິນໃນບັນຊີຂອງທ່ານເພື່ອເປັນຫຼັກປະກັນໃນການຂໍສິນເຊື່ອ.
  - ໃຊ້ເພື່ອເປັນຫຼັກຖານໃນການອອກບັດ Credit Visa.

  ປະເພດສະກຸນເງິນຝາກ:

  ສະກຸນເງິນກີບ, ບາດໄທ , ຢວນ ແລະ ໂດລາສະຫະລັດອາເມລິກາ.

  ວົງເງິນຝາກເລີ່ມຕົ້ນ:

  ສະກຸນເງິນກີບ: 1,000,000 ກີບ, ສະກຸນເງິນໂດລາສະຫະລັດ: 1,000 ໂດລາ, ສະກຸນເງິນບາດໄທ: 50,000 ບາດ, ສະກຸນເງິນຢວນ: 10,000 ຢວນ

  ອັດຕາດອກເບ້ຍ:

  ຕາມອັດຕາດອກເບ້ຍທີ່ທາງທະນາຄານໄດ້ກຳນົດໃຫ້ໃນແຕ່ລະໄລຍະ.

  ເງື່ອນໄຂການໃຊ້ບໍລິການ:

  ສຳລັບບັນຊີນິຕິບຸກຄົນ(ວິສາຫະກິດຄົນລາວ) ຕ້ອງມີເອກະສານຢັ້ງຢືນຄື:

  - ຕ້ອງມີເອກະສານອະນຸຍາດເຄື່ອນໄຫວທຸລະກຳເຊັ່ນ: ໃບສະໜີຂໍເປີດບັນຊີ, ໃບທະບຽນວິສາຫະກິດ, ໃບທະບຽນອາກອນ, ໃບອະນຸຍາດລົງທຶນ.
  - ໃນກໍລະນີທີ່ບໍ່ແມ່ນເຈົ້າຂອງທະບຽນວິສາຫະກິດຕ້ອງມີໃບມອບສິດໃນການນຳໃຊ້ໃບທະບຽນວິສາຫະກິດ ແລະ ເອກະສານອື່ນໆທີ່ກ່ຽວຂ້ອງເພື່ອນຳມາເປີດບັນຊີພ້ອມດ້ວຍບັດປະຈຳຕົວຂອງເຈົ້າຂອງທະບຽນວິສາຫະກິດ.

  ສຳລັບບັນຊີນິຕິບຸກຄົນ(ວິສາຫະກິດຄົນຕ່າງປະເທດ) ທ່ານຕ້ອງມີເອກະສານຢັ້ງຢືນຄື:

  - ຕ້ອງມີເອກະສານອະນຸຍາດເຄື່ອນໄຫວທຸລະກຳເຊັ່ນ: ໃບສະໜີຂໍເປີດບັນຊີ, ໃບທະບຽນວິສາຫະກິດ, ໃບທະບຽນອາກອນ, ໃບອະນຸຍາດລົງທຶນ, ບັດແຮງງານອອກໂດຍກະຊວງແຮງງານ, ໜັງສືຜ່ານແດນຂອງເຈົ້າຂອງບັນຊີຜູ້ມີອຳນາດໃນການເຄື່ອນໄຫວບັນຊີ.

  ສຳລັບບັນຊີລັດຖະການ,ໂຄງການ ແລະອົງການຈັດຕັ້ງ:

  - ຕ້ອງມີໃບສະເໜີຈາກກົມກອງ ຫຼື ອົງການຈັດຕັ້ງທີ່ກ່ຽວຂ້ອງພ້ອມກາປະທັບ(ຖ້າມີ), ບັດປະຈໍາຕົວ ຫຼື ສຳມະໂນຄົວ ຫຼື ບັດພະນັກງານບຳນານ, ບັດແຮງງານອອກໂດຍກະຊວງແຮງງານ ຂອງເຈົ້າຂອງບັນຊີຜູ້ມີອຳນາດໃນການເຄື່ອນໄຫວບັນຊີ. ແຕ່ຖ້າບໍ່ແມ່ນເຈົ້າຂອງບັນຊີຕ້ອງມີໃບອະນຸຍາດບໍລີຫານບັນຊີ.
  - ຂຽນແບບຟອມເປີດບັນຊີຕາມທີ່ທາງທະນາຄານໄດ້ກຳນົດໃຫ້.